Giuventüna Sta. Maria - Valchava

Las duos giuventünas da Sta. Maria e Valchava daja schon daspö decenis dad ons. Dafatta ils plü vegls da noss cumüns nu s'algordan vi da la fundaziun.

Il stret contact tanter giuvenils dals duos cumüns ha manà dal 2000 a la fusiun d’üna società unida. Cun quista fusiun es la società dvantada plü gronda e plü ferma.

La radunanza generala (vairamaing obligatorica) chatta lö minch’on als 26 december e cuntegna las seguaintas tractandas:

• rapport dal president
• rendaquint
• admissiuns e demischiuns da commembers
• programm da l’on

Dals 27 fin als 31 december organisescha la giuventüna adüna ün festival chi’d es minch’on ün evenimaint spezial.

Il nouv on da chalender vegn festagià cun trar ils segns (sunar modinas) da la Baselgia a Sta. Maria. Als prüms da schner as vaja a giavüschar ün bun on a tuot la populaziun da’ls duos cumüns. La festa finischa pür vers ils 2 da schner.

La tradizun dal Niculaus vegn pro nus amodüna trattada fich ot. Als 6 da december as vaja aint in tuot las chasadas cun uffants pitschens e’s lea avaunt ils versins cha’ls genituors han scrit per lur uffants. Davopro as vaja insembel a mainger tschaina e star da cumpagnia.

Ma eir otras tradiziuns vegnan mantgnüdas inavaunt da la Giuventüna Sta. Maria – Valchava sco per exaimpel quella da far ghirlandas per nozzas da commembers activs. Aint il temp da Nadal va la giuventüna a decorar ils bos-chins illas Baselgias da Sta. Maria e Valchava.

Als 1 avuost as radunan ils commembers per ir süllas muntognas a far fös. Davo ils fös tuornan ils giuvens inavò in Val e fan amo festa.

L’on da la società finischa cun la radunanza generala.

presidentas e presidents