Il sunar modinas es üna veglischma tradiziun da la Giuventüna Sta. Maria - Valchava chi vegn amo adüna pratichada cun grond plaschair.

Ils sains sun intunats in es / g / b / c.

Tenor infuormaziuns da glieud plü veglia valan las seguaintas reglas pel sunar modinas:

Avant co cumanzar vegnan montadas tretschas directamaing vi dals segns.

• Las installaziuns electricas vegnan deactivadas.
• sunar oura l’on vegl da las 23.30 fin a las 23.55. Cumainzamaint e finischiun cul segn grond.
• 5 minuts silenzi.
• l’ura batta las dudesch automaticamaing.
• sunar aint l’on nouv fin a las 00.30. Cumainzà vegna cul segn pitschen e finì cul segn grond.
• l'on nouv vain bivgnantà cun üna sunasoncha da las 05.00 a las 05.30.